كلمات الخط فين El Khat Feen

من صغره بيتفرج كل يوم على أفلام
يمكن فيلم أو أتنين قبل ما ينام

بيشوف الأمير بيسحق الوحش الشرير
والبطل الخارق بينصر الخير

الفرق كان واضح في الأفلام
بس حواليه الخط بهتان

بيبص شمال ويمين، حواليه أشرار طيبين
أحرار مساجين، ناس عاقلين مجانين

طيب هو الخط فين؟

كل ما يرسم الخط يتراجع تاني
نفس الشخص سعات مظلوم وسعات الجاني

لقي نفسه بيتصرف زي الناحيتين
سعات زي أحرار، سعات زي مساجين

هو الخط في وسط الناس
يعدوا من فوقه شمال ويمين؟

ولا الخط في قلب الناس
كل واحد جواه الاتنين؟

بيبص شمال ويمين، حواليه أشرار طيبين
وسعات أحرار مساجين، ناس عاقلين مجانين

طيب هو الخط فين؟