كلمات حياه Hayah

فيه حاجات كتير في الحياة
مش فاهم منها اي معني
في حاجات كتير تخلي الواحد
ياخد جنب و يفضل قاعد
و يحس انه في الدنيا وحيد
بعيد عالناس بعيد عالتقاليد
واجه نفسك عشان تكون إنسان
بس الإنسان ساب الأرض من زمان

أنا حابب
اني مش محارب
بتخانق
بس احب اسامح
برقص
بس مش لوحدي
برقص
لما تيجي جنبي

قالولي العمر مش بالسنين
لا الضحك دايم و لا الحزن باين
عرفت ناس كتير أشكال وألوان
و عرفت صاحب وقت الشدة يبان
غريبة يا دنيا و مش موزونة
تحبي الغريزة عن المعلومة
تحبي اللمعة تحبي الماس
و تنسي التراب اللي أتخلق منه الناس

أنا حابب
اني مش محارب
بتخانق
بس احب اسامح
برقص
بس مش لوحدي
برقص
لما تيجي جنبي