كلمات زړه به درنه صبر او قرار کړمه
زړه به درنه صبر او قرار کړمه
د فِراق تاو ته نیولی مې دی خام ، رنګ
زما مخ اخیستی سَوی د ماښام ، رنګ
زړه به درنه صبر او قرار کړمه
زۀ دې داسې ګُزارونو ته ولاړ یم
چې زخمونو مې نیولی د اِلزام ، رنګ
زړه به درنه صبر او قرار کړمه
د دونیا د اخِري ګړنګ پۀ ژیو
ډکې سترګې غړاوَمه د ناکام ، رنګ
زړه به درنه صبر او قرار کړمه
پرهرونه مې د سترګو د زغم نۀ دي
بدل شوی دی د ښکلي اِحترام ، رنګ
زړه به درنه صبر او قرار کړمه
راکړه غیږ د مُقدسې مینې حد دی
ستا لۀ سترګو مې څټلی د اِلهام ، رنګ
زړه به درنه صبر او قرار کړمه
نۀ وزیر شوې نۀ پاچا د زمانې شوې
شیخه! هسې دې بدرنګ کړ د اسلام ، رنګ
زړه به درنه صبر او قرار کړمه
پرې به نښې د شاکر داوړ پراتې وي
پۀ دې لارو به یې وینې د انجام ، رنګ