كلمات الجميل
مين اللي كور الكره الارضيه
مين اللي علقها كده بحنيه
مين اللي فالفضا الكبير علقها
ميخرش منها نقطه ميه
مين اللي عمل البني ادمين
مثقفين و مبدعين
مين اللي ادانا عقول و قلوب
و شفايف تسال هو مين
مين اللي دايما صاحي و واخد باله
كلنا بنحبه جل جلاله
انت الجميل .. انت الجميل
عمل الفراشه بأجنحه و زوقها
كل فكره مدهشه حققها
و البحر حطله ملح لجل يعوم
وماسبش حاجه إلا لما خلقها
مين لما بنطلب يسمعنا
وفي وقت الحزن يشجعنا
ولما بنفرح نشكر مين
علي انه بسطنا و متعنا
مين خايف علينا واحد واحد
كلنا بنحبه هو الواحد
سألتني طفله، قلت هو مابيننا
دايما معانا و بيبصلنا
مهما بعدنا معانا علي طول
كل لما بنرجع يقبلنا
في كل مكان ربنا موجود
جنب الضعف جنب المجهود
يا ربنا انت الجميل مفيش مثلك فالوجود
انت الصديق اللي مفيش غنى عنه
يا ربنا انت الجميل مفيش مثلك فالوجود
كلنا بنحبه و بنخاف منه
انت الجميل .. انت الجميل