كلمات الصياد
عديت كل الصعب .. فارس ومليش نقطه ضعف
هداف بس كتير ضيعت .. حياتي تشبه فيلم الرعب
وادتني الدنيا دروس .. صياد لكن مش محظوظ
عندي إراده وعندي طاقه..ناوي عالمكسب ناوي عالفوز
مليون مره وقعت وقومت خسرت كتير ولكن كملت
واجهت لوحدي ومستسلمتش رغم اني كتير اتألمت
استنو وقوعي بس أنا صقر مركز بس علي اهدافي
مثالي وغير قابل للنقد وماشي عالشوك اه وانا حافي
لآخر نفس أنا لسه مكمل…هبدأ مالأول وجديد
مهما تخبط فيا الدنيا هفضل ثابت مش هميل
الماضي كله كوابيس ..عيشت فيها سنين تعيس
عيشت لوحدي الكواليس بس راجع ناوي أعيش
قتلت آخر حته نضيفه فيا
وبكشر أنا عن انيابي
وبواجه وانا واقف شامخ
مش هبقي أنا ذي زمان تاني
عندي الروح عندي الشخصيه
مش موهوم أنا ولا مغمور
ولا كنت فريسه ولا كنت ضحيه
ومطلعتش خسران ولا يوم
نبلتي للصيد جاهزه
ومكاني ميتوهش
بوش مبتلونش
بيا متستهونش
وانت اصفر مبتتغيرش
مسلكش ومنضفش
غدارين منسيتش
فيكو أنا مبثقش
عمري مكنت فيوم مكار ..بس مكنتش بردوك سهل
بعمل دايما ال كام باك وانطلقاتي ذي السهم
عندي عزيمه والإصرار كنت مصمم عالمكسب
غابه وفيها كتير اشرار بس أنا فيها ذي الفهد
طالع مالقاع للنور فارد اجنحتي وطاير ذي النسر
اعمل سيرش عني وشوف خلصت الرحله معايا الكنز
حلمو يشوفني فيوم واقع بس اكيد دي أحلام العصر
في اخر المعركه رفع الرايه وانا رفعت علامه النصر
جات بالمجهود مش بالحظ ..كسبان دايما أنا مخسرش
نفسي طويل ي برو مهبطش..يشب يطولني ومبيوصلش
ايدي مديتهالهم عضوها..حتي كاريزمتي بيشفوها
بس أنا كعبي عالي عليهم … اسمي منحوت عالسبوره
انسي يكون في مابينا مقارنه متسعناش احنا الاتنين
قالو مش هوصل بس وصلت ولسه لا يوجد ليا بديل
دا قصر ديل يازعر … سابق وانا الأفضل
والرحله كانت فرديه .. وكنت أنا الأشطر
عديت كل الصعب .. فارس ومليش نقطه ضعف
هداف بس كتير ضيعت .. حياتي تشبه فيلم الرعب