كلمات الصورة (الصورة)

توعدنا وتبخل بالصورة
يا غنوتنا
يا بهجتنا
ويا مرسى عيونا المبهورة
ما نحن بطبعنا ناس طيبين
غلطاتك عندنا مغفورة

يا نسمة في عز الصيف هبت
ياروح الروح يآمالا
إن جيت تطلبنا
بضى العين
‏مابنقدر نحن نقول لا لا
‏العين مابتعلا على الحاجب
‏وعزيز الروح مابتعالا
‏لو نحن بكينا على الصورة
‏سامح دمعتنا المعذورة
‏ما نحن بطبعنا ناس طيبين
‏غلطاتك عندنا مغفورة

‏الكلمة الحلوة الفي قلبك
‏وحياتك ماتعاند قولا
‏خلينا نصابح بيها العيد
‏نرحل لعوالم مجهولة
‏لو نحن مقامك ماقدرو
‏أعذارك عندنا مقبولة
‏ياروعة سحر الأسطورة
‏يا سمحتنا الما بنطولا
‏لو نحن مقامك ماقدرو
‏أعذارك عندنا مقبولة

‏بنحبك نحن وما قادرين
‏أبدا عن حبك نتخلا
‏نتخلا عن الوجه البشبه
‏ضي القمرة الناعس طلا
‏كل الآمال الله يخليك
‏ويحرسك من عين الناس الله