كلمات فين القاك
واخدها كعب داير و تعبت ياما لف
دماغي جوا ثاير والحمل زاد ما خف
لجأت في يوم للف راسي و عقلي خف
قرف جوايا يزيد دمع في عيني جف
ماشي في طريق طويل و جايب اخر اخري
وتعبت فيه طخبيط وصاحبي هو همي
حتي اللي كنت دايما بقول عليه من دمي
و في آخر الرواية زودلي في كاسي سمي
لقيت في قلب العزلة حاجات كتيرة و ونس
عرفت ان الحقيقة هكون لنفسي السند
مراية جوة اوضتي بتقولي كفاية ندم
بتقولي فترة و راحت كسبت فيها انا
اول مرة مشوفش حد احسن مني
اول مرة اعترف فيها مش ظلمني
اول مرة ..دماغي في حالي تسيبني
مرة صورة تكمل كدر مش جايبني
مسكت الورقة بحاول اكتب اللي حاسو
بدأت اشخبط و دمعة نازلة من اللي حصدو
و المرأ يهان بقدر حنينه
شاف الذل سم في وريده
ساعات شيطاني يقوللي طب كان ايه اللي جابرك
وقفت قصاد مراية عرفت انك مشاكلك
الصبر نهايتو فرج صبرت كتير مجاش
فضلت ياما ابكي علي حلم مبتداش
و في كل مرة اتعريت قصادكو فيها
و في كل مرة مفيش ذرة قلب فيها
واديني لوحدي تايه رجعت صفر تاني
دايما ثاابتة في خيالي .. في حلمي و في اغاني
كنت راسم صورة صورة احلي لينا
صورة فيها بيتنا والحب زي السيما
واربع حيطان تلم و همك يبقي همي
وتشيلي عني اشيلك جوا عيوني وقلبي
و فين القاك حبيبي طال مابيننا بعاد
و انا فاكر ومش بنساك
ليالي تفوت و بستناك
بغنيلك وروحي معاك
و فين هنروح حبيبي ليه سايبلي جروح
وليه بيننا الغياب مسموح
بغنيلك بصوت مجروح