كلمات رح نبقى سوى

من يوم اللي تكون ياوطني الموج كنا سوى
ليوم اللي بيعتق ياوطني الغيم رح نبقى سوى
تاجك من القمح مملكتك السلام
و شعبك بيحبك لتبرد الشمس و توقف الايام
ع رماد اللي راحوا ع خاتم الزمان
ع الحجار السود اللي بقيوا من الحيطان
ع منديلك امي ع بواب البيوت
عم بكتب يا وطني الوطن ما بيموت
و انت انت من يوم اللي كنت انت
رسمتك سنابل شهدا وحمام
رسمتك يا وطني وطن السلام
من ايدين الفقرا و شباك الصيادين
جايي الحريه
ومن الشمس المحفوره بعيون المظلومين
جايي الحريه
ومن الحق الضايع
من دم الشوارع
من شهدا الارض
اللي ماتوا للارض
و وجوهن منسيه
جايي النصر وجايي الحريه