كلمات مافورها

معملتلوش حاجة ف مرة وقدرها
ياخد الفرصة ويخسرها
ومافيش حاجة اتقالت منه
الا ورجع غيرها
من ذوقى لو يغلط واعديها
او اصهين يومها عليها
بالعند بلاقية بعديها
نفس الغلطة يكررها
مافورها معايا وانا سهل ان انا برضوا اافورها
دى حكاية لو فاض بية
انا منها بكلمة هفورها
وان جدت تانى مشكلة بينا بجد هطورها
ومش هجى دوغرى معاه
واقولة حاجة ح احورها

انا ماسكة نفسى واعصابى موترها
وانا مش عايزة اكبرها
اصلى مش انا اللى بكلمة
ورا منه هيمشورها
وانا واخدة بالى وعاملة مش مهتمة
يا يفوق لنفسة يا اما
دى حياته هقلبهاله ضلمة زى مابعرف انورها
مافورها معايا وانا سهل ان انا برضوا اافورها
دى حكاية لو فاض بية
انا منها بكلمة هفورها
وان جدت تانى مشكلة بينا بجد هطورها
ومش هجى دوغرى معاه
واقولة حاجة ح احورها