كلمات في غيابك

كنت حاضر في غيابك
مرك الطاري و جابك
جيتك كانت جريئه
و ما ملك خطوتك خوف

ما ترددت ف حظورك
جيتني تسابق غيابك
ما حسبت حساب خوفك
و ما تحدتك الظروف

جيتني من غير موعد
و قبل ابادر في عتابك
قلت لي و الله أحبك
و عيني غيرك ما تشوف

جيت ابسأل ما قويت
خفت ينصفني جوابك
و انتحر فيني كلامي
و ضعت ما بين الحروف

و رحت فجأه قبل م احكي
قبل ما انطق يا هلا بك
ما عطيت اللهفه فرصه
تكتفي بلمس الكفوف

اه يا طاري حبيبي
مثل ما جابك سرى بك
إقنعه مره يجيني
و تكسب بقلبي معروف