كلمات شبيه النسمة

يا شبيه الغيم مدري يا شبيه النسمة
ما يخالط ليلة القمراء ..شتات رياحه
السلام ورحمة الله منك عين و بسمة
من يصك القلب وانتي يالنوى مفتاحه
فيك ليلٍ يستهيم البدر لحظة وسمه
كنك ب طلة جبينك في السهر مصباحه
لو نجومه فالسماء واجد تغيب ب قسمة
من يسمّي نوره البيّن شعاع اصباحه

ما قدرت اغمض عيوني وأشوفك رسمه
والملامح في عيون اهل النظر .. ذباحه
يوم في عينك قرارن مستحيل احسمه
رحت ب شعورٍ توقعته و شفت افراحه
شاعرٍ ما بان منه الا المشاعر و اسمه
قبل لا يلقى ب صفحات الكلام ارباحه
ليت عذر البرد في كفّه مهو في جسمه
كان هو مرتاح في عذره وهي مرتاحة