كلمات 60 حظ

مو بشر ضيم ضيم 60 حظ براسها
ناس كطك بالكاع فدوة رحت لاحساسها

من تحجي جسمي يكزبر كلبي كل حسرات يجر
كمت وصحت فدوة رحت من الكيه دتمطر

مع احترامي لباقي البنات خل يعتزلن الحياة
عندي حبيبة بسمة رهيبة طول وكامل مواصفات

تمشي ماتلوح الكاع جنها طير وطايرة
كل ما كبر بيها العمر تلكاها احلى صايرة

حتى بزعلها حلوة يا فدوة تلحك فدوة
مو وحدة تسوه ولا ألف مليون وحدة تسوة

كلبي بعشكها فول انمله هي بس تستاهله
بنية كلبي احبها وربي تسوة الدنيا ومعدلة

عافيتي لمن تروح اتصير هيه العافية
حتى دوه ما احتاج نظرة من عدها كافية

منطيها ظهري مأمن مستأنس ومطمن
ماشوف بعيوني بشر بس هيه بيها تبين

بس من حضنها اخذ الحنان والكه روحي بهالمكان
تبقه اليه وحلوة عليه وحبها اليه هو الضمان