كلمات تاخد كام
تاخد كام
وترجع بالزمن 20 سنه
تاخد كام
هتقولي ولا تحب أقول أنا
هتخاف زي ما خفت
هتشوف زي ما شفت
هتكون مبسوط وراضي
ولا قالبها محزنه
فات المعاش مات اللي عاش
من غير ما يعيش بجد
فات المعاش ولما فات
لبِّسنا في حيطه سد
فات المعاش ما سابش كشف
وخلاص هنروح بلاش
فات المعاش وخد معاه
الكل ماقسمش حد
نظارتك شايفه صح
ولا العيب على النظر
ولو النظر غلط
مفروض كان جالك واعتذر
واتأسف على الخطأ
ده غيره كان نطق
خلاك تشوف بالعكس
فتشوف التفاح جزر
فات المعاش مات اللي عاش
من غير ما يعيش بجد
فات المعاش ولما فات
لبِّسنا في حيطه سد
فات المعاش ما سابش كشف
وخلاص هنروح بلاش
فات المعاش وخد معاه
الكل ماقسمش حد
موسيقى: أحمد وحيد كينج