كلمات عيد الخيانة

اليوم عيد الخيانه عيد طعناتك
جيت احتفل بالمكان اللي طعنتيني
شايل جروحي بدل وردك و شمعاتك
ذكرى الالم حان ذكرى فعلك الشيني

يوم اني اقدع وتكرمني بدلاتك
مسرح جريمتك شاهد بينك وبيني
واشوف صورتك قدامي ونظراتك
صورتك ماعاد يقواها نظر عيني

كنك تنادي وتزعجني مناداتك
نبرات صوت الغدر بالحيل تذيني
واشعلت نارن حطبها من ملفاتك
لعلها لا ضوى ليلي تسليني

وان كان مريت تتذكر خطياتك
رزيت رايه الم سودا بيديني
تحمل شعار الندم والظلم عاداتك
خطيت جمله عشان تذكرك فيني