كلمات محاكمة القرن Mo7akmet El Qarn
محاكمه قرن لأ دى محاكمه القرون
ده الطاعون اللى يصيب ضمير فيبقى دون
عدم وجود ادله فمتسرقش اللى اتسرق
شعبك يموت يابلدى ويقولولنا مفيش ورق
مسرحيه بنكملها مكشوفه من اولها
بلد تموت تغور بس يعيش اللى بيقتلها
فديلها وجودو بينا هو اللى قومها
وفوق دم الشهيد سفينه القتال عومها
فكفه الظالم تميل والتقل صنعه
اوهمهم بالمؤبد شعبك جاع اديلو رضعه
فهمهم ان امان بلدهم بس فأيد شفيق
واوهمهم بالتغيير عوم قشه للغريق
اوهم بالأعاده بين نظام وصوره ترد غيبتو
خليهم يرضو بسيئ لما الأسوأ ييجى يرضو
انزع من شعبك املو واحده واحده بالتدريج
ابدأ بالذبذبات فى الخط مهد للتعريج
اهلا بيك فمسرح ثوره والعرايس الثوار
فشلو فأسكاتهم قالو تقتلهم حرب الأختيار
خيرو بين جمره وبين النار يختار الجمره اديلو النار
خليه يوطى سقف حلمو فاجئو بأنو عليه بينهار
اهلا بيك فمسرح ثوره والعرايس الثوار
فشلو فأسكاتهم قالو تقتلهم حرب الأختيار
خيرو بين جمره وبين النار يختار الجمره اديلو النار
خليه يوطى سقف حلمو فاجئو بأنو عليه بينهار
الجزء التانى استخدم كارت ديمقراطيه
هات شفيق ع العرش وقول ده رأى الأغلبيه
واصل اعدام الطبقه المتوسطه واخفى المعارضه
صفى رموزها فظل ظروف اكيد هتبقى غامضه
كمل الحلقه باستئناف الحكم الصادر
مبارك خد براءه مين ساعتها هيقول باطل
وبكده فكفه الأخوان تكون الكفه الراجحه
عشان نص الحقيقه ميبانلوش حقيقه واضحه
الصيغه التانيه م السيناريو كانت اخوانيه
ليسو قتله ليسو فلول وعايزين مصر اسلاميه
فندى صوتنا ليهم تحت اسم حب الدين
فيكمل حلم هيمنتهم اللى عاش فيهم سنين
اسف ثقتى كامله ففكر مرجعيتو اسلاميه
لكن فظل سوء تطبيقها رفضى مطلق ع الشخصيه
ولسه سيناريو فلول هو الأقرب للتحقيق
فتموتى ياثوره ولا تعيشى وتقطعى الطريق
اهلا بيك فمسرح ثوره والعرايس الثوار
فشلو فأسكاتهم قالو تقتلهم حرب الأختيار
خيرو بين جمره وبين النار يختار الجمره اديلو النار
خليه يوطى سقف حلمو فاجئو بأنو عليه بينهار
اهلا بيك فمسرح ثوره والعرايس الثوار
فشلو فأسكاتهم قالو تقتلهم حرب الأختيار
خيرو بين جمره وبين النار يختار الجمره اديلو النار
خليه يوطى سقف حلمو فاجئو بأنو عليه بينهار