كلمات تاهت دروبي لـ

من غلقة الصدر قمت أفكّك بناقي
ومن الكآبة جمعت الضيق والحيرة

غيّم سما الحزن واحتارت من أشواقي
ظنوني اللي تردّد جعلها خيرة

تاهت دروبي ولا أدري ويش أنا لاقي
من حالةٍ غربتني عن هل الديرة

يا أغلى من الناس في عيني وف أعماقي
ما يلفت القلب لو كثروا مساييره

عانيت في مبتلاي وشانت أخلاقي
والبال منه الظنون ازداد تفكيره

والنوم ماله لزوم يزاور أحداقي
من يوم فرقاك وأنا من مداويره

من همت في حبّك المجنون والراقي
حفظتك ولا رضيت يجاب لك سيرة

وفيت معك ورميت لحبّك أوراقي
والعمر ما شفت في قربك مخاسيره

مامرّ في عمري اللي راح والباقي
كسرٍ مثل كسري اللي صعب تجبيره

يا عنق ريم تشالى منه أعواقي
بإيدينك الأمر قبل تخطّ تعبيره

إن رحت بتروح لكن حبّنا باقي
وأبقى رهين الحظوظ القشر والحيرة

شيلة تاهت دروبي – الوليد ال عامر
Al Waleed Al Amer | Tahat Drobi

المزيد من أغاني الوليد ال عامر
ليل الحنين
رضاك
البتريوت
وداع المحبين
بنت الأكابر