كلمات وأحلى الأماكن
وأحلى الأماكن
مكانك يا أمى
وأحلى البيوت
مطرح ما رحتى
وأحلى الجواهر
غوايشك يا حاجة
وأحلى الهدوم
عبايتك وطرحك
وأجمل كلام
هو كلامك
وأريح حوار
حوارك معايا
بصحى بشوفك
وابدأ حياتى
كلى تفاؤل
وصحة ونشاط
وأنزل لشغلى
أقابل همومى
واثق فى ربى
وصورتك معايا
ألاقى نَفَسِك
بيقولى اثبت
دعيالك يابنى
وربك معاك
والله دعيالك
وربك معاك
كل البيوت
عندى مدافن
إلا جناين
شمت روايحك
وكل القصور
زى المتاحف
أشكال كئيبة
مش زى شكلك
إنتى فى عينى
أجمل جميلة
مش بس عينى
دية حقيقة
برجع وألاقى
أجمل تهانى
وأكلات جميلة
ولازم مفاجأة
وتكون هدية
بحجات عايزها
من غير ما أقولها
جبتيها عندى
واقول يا ربى
إزاى جابتها
للدرجة ديا
حستها أمى
وأحلى الأماكن
مكانك يا أمى
وأحلى البيوت
مطرح ما رحتى
وأحسن سلام
هو سلامك
وأوحش فراق
بيكون معايا
عبدالله حسين