كلمات موت يابو غل من غلك

عزيزي المنافق عزيزي الخبيث
تأكل معايا الأربع وتشتمني الخميس
أبويا قالي زمان لا تماشي ناقص
ولا تعاشر خسيس

أنا قلبي عندك يمنفسن
ياللّي عليّا ماشي تلسن
زعلان عليك واللّه يبني
شكلك بسببي هتجنّن
لتّات وبيلت في ظهري
طبع الحريم منّه أتمكّن
نفسك في واحد من بدري
وأنا لسّه علي رجلي أطمن

موت يبو غلّ من غلّك
أعيش واسمي بيشلّك
كلّ ما تأكلك أضحكلك
وأبعتهالك وأمنشنلك
متشغلش في دماغك
عشان هيجي علي دماغك
أنا اللّي كاتم علي نفسك
عاملك خرم في دماغك

حضرات السّاده الأندال
حضرات السّاده الخاينين
الرّغي في ظهرنا شغّال
طب مهما تقولو مش سامعين
عيّان خصم مع خيبان
والإتنين هوّا مش باينين
نصّها شاروخان علي باتمان
والباقيين علي الحيطه ماشيين

شوفت اللّي ماشي يجيب سيرتي
وهو علي جسمو تيشرتي
مش منّي لا ده وقع منّي
أصفر مردّش يوم غيبتي

مولّع منّي ومشطشط
بيسمع اسمي يتعفرت
بطّل تشنيب بقي ياليفه
هو مفيش غير متسيّط

مش عيب يراجل يا كويّس
تقول عليّا مش كويّس
الغيره مشاكلها كتيره
والحقد علي الرّيق بيخسّس

لو أنا تعبك تكشفلك
وأدّيك علاج وهكشفلك
البسها من غير ماتقيسها
كلامي ليك بحدفدلك

عارف أنت إيه اللّي محزنهم
إنّ أنا لمّا أحضر بركنهم
شالو منّي ولسّه هشيلهم
أنا ريّحتهم ابعت غيرهم

هكتب عليكم وصل أمانه
علشان شايف منكوا خيانه
أنا لمّا بشمّ إيديّا أشبع
مش زيّكوا يناس يجعانه

انتحال شخصيّه راجل جدع فيها شهور
مبالك اللّي عامل فيها شبهنا
هياخد تأبيده ومش هيشوف النّور

يارجوله عايزه إعلان مموّل
عشان يرجعوا رجاله زيّ الأوّل

أنا قلبي عندك يمنفسن ياللّي عليّا ماشي تلسن
زعلان عليك واللّه يبني شكلك بسببي هتجنّن
لتّات وبيلت في ظهري طبع الحريم منّه أتمكّن
نفسك في وقعتي من بدري وأنا لسّه علي رجلي أطمن

مهرجان موت يابو غل من غلك
Moot Ya Abu Ghell Men Ghellak – Ahmed Moza & Richa Costa & Samara Now

المزيد من أغاني أحمد موزة
ملقتش فيكم جدع
من كتر دوشه أيامي
انا قد اي حد
انا زي ما انا مبتغيرش
شوفتو الجعانين ولاد الجعانين