كلمات دق باب البيت

اندق باب البيت ع السكيت
كنت وحدي بها المسا بالبيت
قاعد لحالي راجع حسابي
ع سراج صار مخلص من الزيت
مين عم بيدق ع بابي
سالت حالي قبل ما رديت

وصرت استعرض صور اصحاب
مرقوا على عيوني بزمان الحب
ومن دون وعي صفيت حد الباب
تا افتحو وما كان عندي قلب
والباب عم بيدق والقلب عم بيدق
ويد عم ترجف بلا اسباب
نص شقه بابنا شقيت

وجمدت لما شفت وجه الضيف
والحكي تخرسن على لساني
ما كان ضيفي خصم حامل سيف
ولا بيننا في تار انساني
كان محبوبي الحبيب ال باعني وحب الغريب
كلمه جفا فلتت من لساني
لوين راجع بعد ما فليت

ورغرغو عيونه بدمعات الندم قال سامحني
ما عاد تصدم قلب اكتر ما انصدم معليش صالحني
عمري على غيابك جحيم وعدم من النار ريحني
جيت غسل يديك بدموع الندم دفعت التمن ع البعد وتربيت

قلب الحبيب مهما قسي بيظل
يتذكر ليالي حبيبه الماضيه
نظره عتب لا اكتر ولا اقل
بترجع قلوب الحبايب راضيه
وفتحت ابوابي لاعز احبابي
مطرحه بالبيت عاد احتل
ورجعت سلمته مفاتيح البيت