كلمات الحياه سكره

الحياه سكره
شمسها منوره
تضحكلها وضحكتها
مظبوطه بالمسطره
فرفشتها وعشتها
حضناها وبحبها
غنيتلها وغنيتلى
احزانى ودعتها
وبالناس مش شاغله بالى
ماشيه وبرقص في حالى
وبقول يا افراح تعالى
يالا بينا نعيش
وعلى ايه بتحسبها بقى عدى
بكره تروق تبقى كده وردى
عقد السعاده جاهز وممضى
اضحك وماتخبيش

اعصابى روقتها
وروحى دلعتها
لميت همومى في شنطه
ورميتها انا كلها
دا انا ضحكتى في السما
ودماغى متسستمه
هخرج وارقص واغنى
للفرحه انا مسلمه
وبالناس مش شاغله بالى
ماشيه وبرقص في حالى
وبقول يا افراح تعالى
يالا بينا نعيش
وعلى ايه بتحسبها بقى عدى
بكره تروق تبقى كده وردى
عقد السعاده جاهز وممضى
اضحك وماتخبيش