كلمات صح عيدكم
✍️ كلمات: عبدالكريم دالي
🎼 ألحان: عبدالكريم دالي
ما زينو نهار اليوم صح عيدكم
ما زينو نهار اليوم مبروك عيدكم
مبروك عيدنا وفراحنا
مع لحباب اجمعنا
ان شاء الله ربي يخلينا فرحين كي اليوم
نكونو عام اوخر كل سنه زاهيين كي اليوم
ما زينو نهار اليوم صح عيدكم
ما زينو نهار اليوم مبروك عيدكم
بني ادم اليوم يزور اهلو
بالفرح ولهنا يكملو
يطلب ربنا يغفرلو الا هو يدوم
وعلى النبي الشفيع نصلو في نهار ليوم
ما زينو نهار اليوم صح عيدكم
ما زينو نهار اليوم مبروك عيدكم
ياسعد من يفرح اليتيم
يرضى عليه ربي الكريم
يكون لو اجر عظيم في نهار اليوم
غدا عند الله الرحيم يكون مرحوم
ما زينو نهار اليوم صح عيدكم
ما زينو نهار اليوم مبروك عيدكم
مبروك هذا العيد علينا
وعلى ناس قسنطينه
اه يا اصحاب بجايه الزينه وصح عيدكم
زهيتو اليوم وزهينا لحباب كلكم
ما زينو نهار اليوم صح عيدكم
ما زينو نهار اليوم مبروك عيدكم
مبروك عيدكم ومزيان
احبابي ناس تلمسان
ولاد الجدار يا شجعان صح عيدكم
تعيشو دايم في الامان جميع كلكم
ما زينو نهار اليوم صح عيدكم
ما زينو نهار اليوم مبروك عيدكم
مبروك عيدكم ياشباب
ياناس وهران يالصحاب
تفرحو شايب وشباب صح عيدكم
تكونو كل عام بالاحباب تزهاو كي ليوم
ما زينو نهار اليوم صح عيدكم
ما زينو نهار اليوم مبروك عيدكم
مبروك عيدكم بالهمه
حبابي ناس العاصمه
جزائر تفرح ديما وصح عيدكم
كانها عروسه بالتبسيمه غاليه في السوم
ما زينو نهار اليوم صح عيدكم
ما زينو نهار اليوم مبروك عيدكم
مبروك العيد لاهل الصحرا
ياشجعان صحاب النعره
موالين النخل والتمره صح عيدكم
البترول والغاز فالصحرا كل خير عندكم