كلمات أكبر حب

والله وعرفنا الحب .. والحب في بلدنا إتعلمناه والله
من يوم ما صادفنا القلب .. والقلب أطهر قلب عرفناه والله
كان هو حبيب الشعب .. والشعب شاف ليلة قدره معاه
وبأرواحنا عاهدناه .. وبحياتنا ناصرناه
أكبر من ده حب ما فيش .. غير حب الله وحبيب الله
*****
ياللي حياتك هي حياتنا .. عارف ليه إحنا إختارناك
شوق الماضي لمجد الحاضر .. كنا بنحلم بيه وياك
أمل الحاضر في المستقبل .. لسه بقية مشواره معاك
حلم وكان بيراودنا .. من أجيال ويواعدنا
والله وعالش من شافه .. وطال السما بكتافه
وبأرواحنا عاهدناه .. وبحياتنا ناصرناه
أكبر من ده حب ما فيش .. غير حب الله وحبيب الله
*****
الحرية كفاح ومبادئ .. صلى عليها الشعب وصام
كانوا زمان يبعلموها لنا .. إملا وإنشا ورص كلام
وياك إنت إتعلمناها .. ثورة حب ونور وسلام
حب الخير كان رائدنا .. جوه بلدنا وبره بلدنا
كل عزيز في بلاده .. شاركناه في جهاده
وبأرواحنا عاهدناه .. وبحياتنا ناصرناه
أكبر من ده حب ما فيش .. غيرحب الله وحبيب الله
*****
إحنا بنينا فجر حياتنا .. وبنهديه لشباب يحميه
قد غرامه في حب بلاده .. يعرف يكره مين يعاديه
معتى كبير في الحب يا بلدي .. ياما شقينا ععشان نلاقيه
حاربنا إللي حاربنا .. وكان النصر في جانبنا
ومشينا ومدينا .. وشبابنا بيحمينا
وبأرواحنا عاهدناه .. وبحياتنا ناصرناه
أكبر من ده حب ما فيش .. غيرحب الله وحبيب الله
*****
حب الوطن العربي أمانة .. وفرض وعهد على الملايين
كل ما نوهب خطوة كبيرة .. نحمي شرف المجد سنين
وحياة حبك لأجل عيونك .. يا فلسطين راجعين راجعين
جيش تحريرك إيده في إيدنا .. يوم ما يعلن عيده وعيدنا
يوم ما ح يكسر ليله .. وينور قناديله
وبأرواحنا عاهدناه .. وبحيانتنا ناصرناه
أكبر من ده حب ما فيش .. غيرحب الله وحبيب الله