كلمات قصر الكلام
✍️ كلمات: محمود فاروق
🎼 ألحان: كريم محسن
قصر الكلام
عاوزة ايه
بقى يا ايام
طب تاخدي كام
وتسيبيني
اعيش في سلام
بصحى وبنام
حالي حال
في بالي سؤال
انا مين هفارق
هودع كام
قلقان اوي
م اللي جي
والمكتوب
من كل شيء
في الطريق
ومش محسوب
يا دنيا ليه
قد ايه
كسرتي قلوب
طب شايله ايه
يا ترى قدام
عايش ماليش احباب ولا لمة
ولا ناس لسه مهتمة
لوحدي بعيش
اليوم باليوم
وبقع وبقوم
تاني يا ايام
كل اللي راح انتهى و مالهش رجوع
سابني في جراح سابلي ذكريات و دموع
مين اللي قال هنسى و انتهى الموضوع
انا لسه ليه مابقتش تمام
ليه كل حلم ابتديته اخره فراق
ليه قلبي حب ياما بس عمره ماداق
ليه رغم كل حاجه بفتكر و اشتاق
انا مش سليم ولا هنسى قوام
عايش ماليش احباب ولا لمة
ولا ناس لسه مهتمة
لوحدي بعيش
اليوم باليوم
وبقع وبقوم
تاني يا ايام
امشي الطريق
وفي نهايته الاقي سراب
وقت اللزوم
بكتشف ماليش اصحاب
اوقات كتير بنتسند من الاغراب
هيفيد بايه يللا قصر الكلام