كلمات ال مره

عيّت الدنيا لا تصفى وعيت لاتزين
كل ماأسندها على ضلع جات محوّله
الأمل في الله تعالى وحنّا صابرين
شطت الدنيا عساها ماهي بمطوّله
كل دين يضوّي الهم وأعظم دين..دين
الجميل اللي يخلي الحمول متوّله
يالله أوزعني و أرد الثنا للطيبين
نفسي الجزعه من أدناة شي مزوّله

أشهد إنك راعي الطيبه والاوّله
أصغر المدّات تعطي مهجرعة الحنين
و أكبر المدّات حتى الرزين تهوّله
أنت مالكني بطيبك عسى عمرك سنين
في جنابك كل شرد البيوت مخوّله
أنت بنك الطيب والعرف والراي الثمين
كل من يعرفك بالطيب قمت تموّله
أنت مرّي تدحم الوقت بالجنب المتين
جعل يفدا طيبك العالم المتسوّله
آل مرّه كاسبين الثنا دنيا ودين
والصحيح يعَد لو الجموع مضوّله

آل مرّه في عروش المديح مطوّله
معلومات الاغنية
اهداء إلى الشاعر :: حمد بن خزينة المريزيق المري
فيديو :: المفارق