كلمات رجع رمضان
(رجع رمضان) (وحوي يا وحوي)
وحوى يا وحوى وحالو يا حالو
لما بشايروا علينا يهلوا
والناس ف التراويح بيصلوا
واما هلاله بنوره يبان
لما الزينة تطوف حتتنا
وبتتجمع كل عليتنا
واما الفرحة بتحضن بيتنا
يبقي بخيره رجع رمضان
رمضان يعني الضحكة الصافية
ينعاد بالصحة وبالعافية
ونكون برضه ف افضل حال
الخير والبركة دي بزيادة
والرزق بيوسع كالعادة
و يارب ما يقطعلنا عادة
ونكون دايما عال العال
م السنة للسنة اه بنستني
وبنفضل ندعي ونتمني
بلغنا رمضان نتهني
واجعل كل دعانا مجاب
واطرح لينا الخير والبركة
ف الفرح نكون كلنا شركة
وفطار وسحور وصلاة وذكاة
وافتح لنا كل الأبواب