قلت لي يعني تبي نخفف لقا وش يهم الكون كله لو عرف عاشقك يعشق على وضح النقا ويتباها فيك و تزيده شرف مادريت اليوم قلبك وش هقا بس قله لا يتوه و ينجرف دامني باقي ولله البقا كلهم ماداسوا لقلبك طرف احتفظ باللي يحبك من شقا وش تبي باللي يحبونك ترف من يحبك يرتقي بك لا رقا غير هذا الحب والله ما اعرف صدق عشاق ومواقيف اصدقا تتضح لك وسط دمعي لا ذرف ما اعترف بالحب من اول لقا لين خلتني عيونك اعترف