كلمات شعور الحزن لـ

شعور الحزن والضيّقه ونفحات الأذى والجور
ونكبات الليالي ما تعدّى صافي النيّة

أحسّ إنّي على الدنيا ولكنّي بدون شعور
غدى قلبي من اللّي شفت ينبض دون حسّيه

أخذت من الزّمن جرعة ضروف وحظّي المعثور
ماجمّلني عسى الحاضر يجمّل حظّ راعيه

أبي تعتق شعور صرت أحسّه دمعة المقهور
وعذره من دموعه بان في عيونه حساسيّة

عرفت أنَّ المحبّة والهوى مثل الغلا المنثور
وعرفت أنَّ الحياة بلا محبّة صدق عاديّة

لا ضاق البال واشتدّ النزاع وعقلي المذعور
مجرّد تبتسم طاح الحطب واندمحت السيّه

غدا مثل الأمير اللّي فرض حكمه مع الدستور
وأنا الشعب الذي راضي بحكمٍ عند الولاية

سوالفها وضحكتها تخلّي خاطري مسرور
وأهيم بعالمٍ ثاني وعقلي غاب طاريه

لا ضاقت دنيتي ماشوف غيرك دربي المعبور
أنا وأنتي حكاية للعلاقات الغراميّة

شيلة شعور الحزن – متعب بن دخنه
مكس وتوزيع: احمد محروس

المزيد من شيلات متعب بن دخنه
حبيب الكل
لطيف الروح
معنى الحياة
ميلوا بي
عمري الجاي