كلمات كل غايب
✍️ كلمات: مطيع العوني
🎼 ألحان: ناصر غنام الديكان
كل غايب يغيب الا غيابك حضر
لك حضور بغيابك حسبي الله عليك
هام فيك الخيال وصاح جرح خضر
ما لقى له مداوي غير لمسه يديك
اخر الليل بكفوف الفجر يحتضر
السهر نام واشواقي بقت تحتريك
اتحراك واللهفه معي تنتظر
ودي اروي ضما عمري معك وارتويك
لك من القلب نبضه والعيون النظر
المشاعر عن العالم تصد وتبيك
اتصبر وانا ادري كثر صبري يضر
اه يا للي بعمري ما لحبك شريك
اخر الليل بكفوف الفجر يحتضر
السهر نام واشواقي بقت تحتريك
اتحراك واللهفه معي تنتظر
ودي اروي ضما عمري معك وارتويك