كلمات انا معك

انا مَعَك .. واشيلِ عنّك فِصَدري
والصدرِ مدهالك .. ولو كانِ هالك
غيّرتني من جيتِ تغييرِ جذري !
واخذتني غصبِ ايهِ بلّا حلالك
ارقبك تتكلّم .. ولا باحِ صبري
وافزّلك لو قلتلي كيفِ حالك ؟
ما علّم اوراقي على طيشِ حبري
الاّ ترى عُودك ورونق جمالك ..

راكز ولاني معْ هوى الطيشِ سالك
الّا معك .. وش صارِ واللهِ مدري ؟
ما ذقتِ طعْم افراحي الّا خلالك
والعينِ لا شفتك رَمَت ثوبِ ستري
احساسها ياهو فضحني قبالك
لتقولِ باقي عاد لشواقِ بدري
كلما زَهَمتك شوف كيف انفِعالك
وشوفِ كيف اشواقك اتضمّ صدري
اشعربها لو هالصَدِر ما حكى لك
وشعوري الدافي مَعَك حيل مغري
خلّاني اسهر لك واقاصي ظلالك

وانا المتيّم .. في معاني دلالك