كلمات تعالى ياليل
✍️ كلمات: وليد عبدالمنعم
🎼 ألحان: اسماعيل تونش بلاك
اياك يا ليل تمشي
ده الشوق على رمشي
وقلبي حالف ليك
يسهر ولا ينامش
اياك يا ليل تنسى
دي اول القصة
لسه كتير لسه
والحلم ما خلصش
ده حبيبي معاك
ساكن وياك
وانا بحلم بيه يا ليل
ارجوك خليك
الله يرضيك
وهقوللك ايه يا ليل
تعالى تعالى تعالى هنا
تايه دايب عاشق انا
حبيبي نجم بعيد
يبان بلا مواعيد
ازاي انا القاه
وازاي تطوله الايد
غار القمر منه
من كحلته وننه
مقدرش اغيب عنه
واعيش بشوقي وحيد
لاطيف وخيال
ولانور وجمال
يوصفلي عينيه يا ليل
والله حرام
ده انا كلي غرام
وبروحي شاريه يا ليل
تعالى تعالى تعالى هنا
تايه دايب عاشق انا
تعالى يا ليل