كلمات على مزملك

على مزملك يا غايبي شابت القيفان
معك جف منكوس المفوه ومسحوبه
بيوت الحزن ما عاد غنت بها الركبان
هل الركب ملو شاعر الحزن واسلوبه
قبل كم سنه نشعا الليالي بدون عنان
من الطيش ماندري وش وجيهنا صوبه
نحسب السنين المقبله مالها ديان
واثر كل لحظات الفرح معك محسوبه

نجينا من سنين الغلا ذاك بعجوبه
ولا عاد طرا واقعي جفنه الكسلان
ولا وجنتيه اللي من الشمس منهوبه
تهمش تحت ضغط الليالي عزيز كان
تهمش ثقيلات المشاغل لـ مندوبه
يطريه من بد السنه غايم ودان
براده تشابه راحته راحة التوبه
نهار غثيره يرضي الخاطر الزعلان
لك الله كن الشمس بالغيم محجوبه
تخفى بعضها فـ الغثير وبعضها بان
مثل بنت عود يوم شافوه هلو به

وهي تتقي من زحمة الناس في ثوبه