كلمات عشرة عمر

لا ذكرت الماضي اللي به شقيت
ابكي بحرقه واصيح من القهر
تبكي عيوني على وقت قضيت
دمع عيني فوق خدي انتثر

العذاب وسكته فيها مشيت
ليله ظلمه ولا فيها قمر
تهت في دنيا بلتني وابتليت
من سبايب من جزتني بالهجر

اضحكت لي في البدايه وانتشيت
وفي النهايه حطت بجوفي جمر
كيف تصخابي وانا اللي ما صخيت
في ثواني ضيعت عشره عمر

ليه خانتي وانا بعهدي وفيت
ليه تطعن خافقي طعنه غدر
احسب انها مخلصه لي ما دريت
ان قسوه قلبها مثل الحجر

ليه باعت يوم انا فعلا شريت
ليه ضاع العمر في هم وسهر
غلطتي يا دنيتي اني هويت
واعتبر ما صار لي غلطت عمر

درس يا دنيا خذيته واكتفي
ما اظن انساه لو طال الدهر
لا ذكرت الماضي اللي به شقيت
ابكي بحرقه واصيح من القهر