كلمات لا تندك بينه
بالك لاتندك بينه
ضيم مجرب تالينه
مانرجع نبقى هنانه
والحك نجيبه ويانه
حقنه ومانسكت عنه
محد يكدر يمنعنه
بالتحرير احتجينه
سنه وشيعه التمينه
كل مذهب كل قوميه
كلهه تريد الحريه
ابن الموصل والحله
وابن ديالى وي الشعله
وتكريت ويا سامراء
اسمك دكيته بصدري
يعراق افديك بعمري
يرخص الاجلك كل غالي
بس اسمك يبقى العالي
مانرجع مانتنازل
حقنه نريده وبالكامل
من ذي قار المنتفضه
اي موقف سلبي ترفضه
مايباتون اعلى العيله
مايهمهم صوت الجيله
ولدك شعلان الهيبه
الحك لو طار اتجيبه
الله محي الغربيه
والله محي الشرجيه
الانبار وغيرتهه
رفعت رايه وعلتهه
واضح مايدنك راسه
ومن كاع حسين الحره
عنوان الحق والثوره
دخلو كالو كلمتهم
فدوه نروح لغيرتهم
ماتسكت لحظه شويه
زعلانه الديوانيه
من كل مسؤول وحاكم
منهم مايطلع ىسالم
ولو طبو ولدك حيدر
كلهه الوادم تتكتر
والفقار تشيلونه
وكل فاسد مايخلونه