كلمات وحشني وجوده
وحَشني وجودُه، ومبوحشوش في الغالب
ومش طالب يرد عَ الجواب بجواب
أنا المتساب في عز ما قلبي محتاجه
وإيه علاجه جرحي لو بدون أسباب
هعيش إزاي؟
واقفة حياتي من بعده
نسي وعده
وبُعده خلّى قلبي ضعيف
بقول تخاريف
وأصبّر نفسي عَ الوحدة
ولا بهدى
وأنا لوحدي ده أمر مخيف
ومين غيره؟
أنا بسأل ومين غيره؟
ينسّي قلبي تأثيره؟
ومين ينسى حبيب العين؟
وده حاله
لا يمكن هقدر أنساله
حاجات حلوة في أفعاله
دي سيبالي في قلبي حنين
بتبكي الروح
وأنا تايه في أحزاني
وليه بعاني؟
معرفتش أجاري الأحداث
ومية إحساس
عكس بعض جوايا
وأنا مُنايا
أشوفه لو ما بين الناس
ومين غيره؟
أنا بسأل ومين غيره؟
ينسّي قلبي تأثيره؟
ومين ينسى حبيب العين؟
وده حاله
لا يمكن هقدر أنساله
حاجات حلوة في أفعاله
دي سيبالي في قلبي حنين