كلمات ما عرفت العيد يا عيدي

ما عرفت العيد يا عيدي
يوم وصلك عيدي العودي
انقضى من دون تعيدي
بالهجر ياليت ما يعودي

الحبيب اجفا ابتصديدي
ما لفى او لا يا بلوعودي
كل ما له ايزيد تعنيدي
في اطباعه دايم اعنودي

ساكن في باطن اسعيدي
او في ضميري حاشد احشودي
في الامر وامطيع يا سيدي
خاضع لك وانت منفودي

لط غرامي هوب تقليدي
شامل ماهوب محدودي
مالمهاه العين والجيدي
ما خذنه او يذبت العودي

او للقطا مشيك ابتفنيدي
عود موز لان للنودي
والحسن حزته عن الغيدي
والدلع والتيه بالزودي

ليش يا شحاح ما اتزيدي
وانت بونك منبع الجودي
دوم مني اتذير واتحيدي
واتخور عني اشرودي

قابل لو زدت تشديدي
صابر واهل منشودي
البكا والنوح ما يفيدي
والشكاوي او كثره الرودي

غير به بيزيد تحديدي
ما التعيب وانواع ليهودي
يا العنود اطلب يلي اتريدي
يا منايه لي بك اسعودي

الهواك ايطيب ترديدي
عله من عقب لورودي
بوخليفه لك تمجيدي
بين كل الناس موجودي

عادل او لك راي اسديدي
يعل يسقي دارك اليودي
شامل من دون تحديدي
امطره ويدن بارعودي

بوخليفه زاد تسهيدي
او درب وصل الخل مسدودي
او محملي متبيحر ابعيدي
في ابحور مالها ابلودي

راكب الي ضارب الشيدي
في ارمال وعره انفودي
اولي امصوبني التسديدي
ماليه من دونه اردودي