كلمات شاشة التليفون Shashet El Telephone
شاشة التليفون ودتني لفين
قسمتني إتنين
أنا بيني وبين الدنيا إزاز
عالم وهمي وعايش في جهاز
أنا تهت ومش عارف أنا مين
شاشة التليفون ودتني لفين
أنا تهت ومش عارف أنا مين
شاشة التليفون ودتني لفين
شاشة التليفون وخداني بعيد وأعيد وأزيد في كلام فاضي
دا إفترا وأنا بالإفترا راضي
شاشة التليفون وخداني بعيد وأعيد وأزيد في كلام فاضي
دا إفترا وأنا بالإفترا راضي
حتى صحابي حالهم حالي
وحبيبتي ما هياش بصالي
بعتالي بدل متقولهالي
بحبك إنبوكس، العلبة تشيل
مشاعرنا زي علبة مناديل
والعين ما بقيتش بتيجي في العين
شاشة التليفون ودتني لفين
يُعجب مُعجب مليون إعجاب، إنفتح الباب للأنا فتقود
متبوع يتبع متبوع تابع
يُعجب مُعجب مليون إعجاب، إنفتح الباب للأنا فتقود
متبوع يتبع متبوع تابع
والكل بيجري ومش سامع
في الغابة تملي الأقوى يسود
كام حاجة حلوة في عمرنا بتفوت
كام حاجة حلوة في قلبنا بتموت
من غير ولا صوت ولا حتى أنين
شاشة التليفون ودتني لفين
ماشيين باصين كلنا في الأرض خلاص بطلنا نبص لبعض
طب إيه بيجرالنا وإيه حاصل
ماشيين باصين كلنا في الأرض خلاص بطلنا نبص لبعض
طب إيه بيجرالنا وإيه حاصل
دا لا هو إجتماعي ولا تواصل
الشاشة مالكانا وسارقانا
بكاشات شاريانا وبايعانا
والهالة بتكبر بالعانا
قربنا خلاص على يوم الدين
شاشة التليفون ودتنا لفين
ودتنا لفين
ودتنا لفين
ودتنا لفين