كلمات يا شوقي على نبرة كلامه
هاجسي الواقع لفاني مادعيته
ساعتن فيها الحزن بنى خيامه
الضمائر بالاسى راحت فتيته
و المحاجر دمعها جاله علامه
يوم سبعه من شهر واحد نعيته
يا عسى الفردوس تسكنها عظامه
لو قدرت اعطيه من عمري عطيته
و لو قدرت افديه طشيت اللثامه
لحظة فراقه على صدري مميته
عقب ابوي الحزن كاسيني ظلامه
يالله ارحم من ينومسني بصيته
رحمتك يالله في يوم القيامه
كل يوم و عند بو سعد كرامه
المراجل في حياته مهتويته
كاسب الطاله و زيزوم الزعامه
ياوجودي كل ما جيت و بغيته
وجد هالك مالقا درب السلامه
و يا عذاب القلب من هم سريته
واااه يا شوقي على نبرة كلامه