كلمات احفر بالجبل
✍️ كلمات: علي البدر
🎼 ألحان: عبدالله البدر ( العراق )
ظمو روسهم مثل النعامات
مثل شرب الجكاره اطلعت عشرتهم
من تنتهي بسكته وتنشمر بالكاع
مو صحبت صدك عالطمع صحبتهم
اتمنى هاي اديه ايصير عدها السان
وتسولف شكد اسنين شالتهم
تره من احجيلكم يوكع سواد العين حته ابن الماداك دكتهم
عمر الدنيا مافرت الطيبين لاعمي تره الايام فرتهم
ترست احلوكهم من مر عليهم عوز
وسدو بابهم من كظت حاجتهم
خوه دورت ودورو غلب وياي
ولا قطرت خجل تعرك بكصتهم
احفر بالجبل حسبالي يطلع ماي
اثاري اشمادك بسمار مايندك
هوه العنده غيره بغير ماتنخاه
من حلك السبع يكدر يطلع الحك
لا تامن ركبتك بيد هاذا وذاك
اكو بعض البشر بالصيف مايعرك
بعد ماستحي والعيب هم بيه عيب
اشمحلاته الحجي لو صار طك بطك
يغزر كلشي بيه حته دكت الباب
المفروض الشريف من الخجل يعرك
شلت ناس على جتفي كفر صارت ناس
ولحد الان جتفي من التعب ازرك
اذا طك الخشب لا تعاتب التابوت
مرات الخشب من روحه هم يزهك
احفر بالجبل حسبالي يطلع ماي
اثاري اشمادك بسمار مايندك