كلمات الارض البكر

رحت للارض البكر لجل اجدد في الطروق
والضواري من المعاني صارت قبالك اليفة

رحت للغيم السخي اللي على ارضك يتوق
لين جيتك مع مطر صيفية خجلى خفيفة

يا حسن طاغي ويا طيبه ودايم في شروق
تغبطك اخلاق ونفوس المخاليق المنيفة

ياظلال امك ضيا بيتك طهر عابد صدوق
اشهد ان اليوم هذا بالفرح ماله خليفة

في زفافك زفت اشجار النخل تمر العذوق
للطيور الجايعة مدة وللناس الضعيفة

وفي زفافك اكتسى جيد الفيافي بالبروق
كنها غابات خضرا داكنة رطبة كثيفة

الدعا الصادق نصيبك منبعه نبض الخفوق
جعل تاليها سرور كثر ما انتي عفيفة

واللي اجرى الدم فيني يا عروسة في العروق
تبطي حروفي تصور ايش تعني لي لطيفة

صلي على الرحمة المريفة
سيد الخلايق كلها
يالطيفة اللطيفة
ياحبيبة اهلها