كلمات السنة دي

داخلين السنادي خُفاف
برواقه ولذاذ لُطاف
وان حد حاول يضايقنا
بنشوفه هوا وشفاف

وفهمنا خلاص خسارتنا
دي سببها سوء اختيارتنا
هنعدل بقي المواضيع
ونحاول نلاقي راحتنا

اول حسابتنا
نهتم بنفسيتنا
واللي هييجي علي مزاجنا
نعمله من غير تفكير

سنه حلوه سعيده
بادئه بشخصيه جديده
والحزن هياخد تابيده
خد من ايامنا كتير

داخلين السنادي حلوين
ع الرايق اوي عاقلين
منردش علي اللي بيبعت
ينكشنا ونعمل seen

مفيناش حيل لاي عتاب
ومشاكل بدون اسباب
ماهي حلوه الحياه ما نعيشها
مش ناقصه تعب اعصاب