كلمات موال عد الجروح

عد الجروح يا قلم
واحسب جروحي كم
واجمع عليها الالام
اجمع وقلي كام
اكتب على اللي اتظلم
من الدنيا والايام
واكتب جواب للزمن
وقولوا كفايه حرام
اكتبلوا عن حالي وفصل
ابن الاصول ليه يتحسر
واحكي وقول عاللي قسيتو
وقولو ليه انت مقصر
اكتب وقول له ياريت يا زمان
حبه حنان جنب الحرمان
وقول له يجي يشوف حالي
احسن تعبت من الاحزان
عد الجروح اللي في قلبي
عد اللي باين ومخبي
واكتب وقول على اللي جرالي
وايه عملت وايه زنبي
فضلت احلم بالجنه
وعشت عمري بستنى
عدا عليا العمر وراح
اتاريه حالفلي ماتهنى
كداب زماني وصدقته
ما فيش عمل يوم حققته
وحظي لما اصاحب الناس
قال قال لصاحبه بتاع وقته
جروحي والله ما تتعدي
وهمومي دايمه ما تنفضش
ونادت على الفرح يجيني
ناديت عليه بس مايردش
شبابي راح ولا عشتش فيه
وجرح زايد مين يشفيه
الاسم عايش ولا عايش
والبخت ضايع فين الاقيه
صرفت مالي على علاجي
بين الاطباء بروح واجي
وانام ودمعي على الخدين
ويا الهموم اشكي واناجي
وسلام ختام اكتب قول له
صبرت على المقسوم كله
وان كان هيرضى ويديني
ما يخلينيش اشكي واقوله