اقول عين خير واتحمد الله اني الى هالحين ساكت وصابر يعني كفى لا تزود الطين بلة وخل العناد وخل عنك المكابر تخطي على قلبي ولا تعتذر له ما كن لي عندك مكانة وخاطر وتشوف دمعي يوم عيني تهله وتمر كنك شخص عادي وعابر ما يكفي انك ماخذ العمر كله وانك على هالروح تنهي وتامر وان قلت يالله قلتلك قوم يالله وان قلت ابي قلت ابشر وحاضر تدري ان حياتي معك صارت ممله واحس مالي فيك اول واخر خلاص انا ما عاد اسمح بزله ولا عاد صبري مثل ما كنت خابر