كلمات ولا كل الرجاله
✍️ كلمات: محب غبور
🎼 ألحان: بلال محمد
فين هلاقي انا زيه حد
يملي عيني وطول بعرض
ده اللي زيه يا ناس يسد
عين الشمس ومالي مكانه
مش هلاقي انا زي طيبته
لا ف مواقفه ولا ف رجولته
حظي حلو عشان حبيبته
جايه الدنيا انا بس عشانه
راجل ولا كل الرجاله
ده فاهمني وعارف يسمعني
وبيعرف أمتي يدلعني
ده حنين قد الحنيه
بيخاف م الدنيا دي عليا
وان طال زعلي ف مره شويه
يصالحني أوام ويرجعني
فين هلاقي انا حد تاني
وقت تعبي عايش عشاني
لما اخاف م الدنيا واهرب
جوه ف حضنه انا بلقي مكاني
اللي زيه ماعدش منهم
ناس بجد تعيش ضامنهم
ناس بلاقي ف قربي منهم
راحتي سعادتي وبلقي اماني