كلمات ما تخصش غيري

ما تخصش غيري انا كل حياتي اللي بعيش فيها
ومبادئ ليا في دنيتي دايما ماشيه عليها
وحياتي دي ملكي وشخصيتي انا صعب الغيها

انا ليا حدودي مش بتكلم باستهتار
بس انا من حقي عشان مصلحتي لنفسي اختار
وانا ماشيه في حالي حتى ان كان ضد التيار

مش هرضي الناس وفي نفس الوقت انا هتعب نفسي
او اريح غيري عشان مش عاجبه طريقه لبسي
دنيتي عجباني حتى ان كانت في طريق عكسي

وانا عمري ما هعجب كل الناس دي في نفس الوقت
مع ان انا بين الخير والشر كتير فرقت
وخلاص انا فاهمه الدنيا كويس واتجرات