كلمات الليل

سرَّك عجيب ياليل
يشبه غرام الغيد
بس الجفا والميل
والدمع والتغريد
مالوش ميعاد يا ليل
ولا له فجر جديد
يا مجمع العشاق
في جو هادي جميل
ومفرق الأشواق
بين الأحبة يا ليل
وفيك سعيد فرحان
فرحان مع خله
وفيك وحيد سهران
سهران مع ظله
وتلاقي بين الإتنين
زهرة من الياسمين
تميل على دا شوية
وتهني علشان تراضيه
تميل على دا شوية
وتغني علشان تواسيه
يُلتُقى ويميلوا
والكل بيقولوا
سرك عجيب يا ليل
عشاق تقول ياليل
داري القمر عنَّا
أحسن يشوفنا عزول
قاسي يفرقنا
تضوي القمر في غيوم
تحجب خيال حسنك
والعاشق المظلوم
يصعب عليه منك
يسأل على بدرك
ويقول ليه الغيوم تداريه
وليه يا ليل عمرك بيطول
وتبقى قاسي عليه
يستنى نور فجرك مشغول
ويبات يحن إليه
دا إنت يا ليل ساقي
شايل في إيده كاسين
كاس للهنا الباقي
وكاس لدمع العين
إختار وتدِّي الناس إنت بإيدك
ولكل عاشق كاس
وإحنا عبيدك
تخللي ناس فرحانة
وتخللي ناس تتألم
وعيونك النعسانة
تلمح ولا تتكلم
يا محيَّر الآمال
في كل يوم لك حال
سرك عجيب سرك عجيب
يـــا ليل