كلمات اسم ابن زايد

للشعر سايد وعز امجادكم سايد
وقصيدتي بنت شيخ وجادلن خفره
وانا الياجيت ورب البيت ماحايد
والفكره اللي براسي ماتبي شفره
في مهبط الشعر جيت ولشبب صايد
الله يعفو عن اللي راح ويغفره
وأسرجت خيلي وعدت بي على النايد
ومن السطر تردف الزفره ورا الزفره
وقام يتجرد قصيدي ثوبه البايد
اللي مصفر بلونه حزة الصفره
شوفي وشوف الفرس للخير متغايد
بشاير الخير جت بوجيهها السفره

أقفت مجاهيم عمري وأقبلت عفره
لقيت روح الشعر بالفارس القايد
هو عنفوان القصيد وجزله و وفره
سلام يالهيبه الي فعلها كايد
توارثت من كرم زايد ومن ظفره
تبقى الامارات قمة و أمنها سايد
من نشوة الازدهار لعالم الطفرة
ثلاث زادت وصارت بـ إسم ابن زايد
الشعر والمرجله ومزاين الظفره