كلمات بطل حكايتي
✍️ كلمات: احمد حسن راؤول
🎼 ألحان: سامر ابوطالب
انا اللي اتقال عليا كتير
وكنت ساعات باخد بعضي
كرامتي بتبقا واجعاني
واشخبط عالحيطان واكتب
هكون بكره في مكان تاني
وعلشان لينا رب كبير
شوف الدنيا اما تتشقلب
تقوم اماكننا تتبدل
وبعد ما كنت بره الصف
بقيت دلوقتي في الاول
انا اللي وقفت ما ضعفتش
حاولت اياس ومعرفتش
واجهت الدنيا دي بطولي
خطفت بايدي احلامي
جبل ثابت مابتهزش
اقع لكن مابتهدش
في بالي الكل صوره واسم
شريط بيعدي قدامي
قابلت من البشر انواع
سندت بروحي على نفسي
عشان ماحتاجش تاني لحد
عشان افضل انا الاقوى
عشان ابني في عز الهد
ماخوفتش لما حلمي اتباع
دروس وانا منها اتعلمت
قويت اوي لما وجعي اتحس
واكبر درس انا فهمته
باني بطل حكايتي وبس
انا اللي وقفت ما ضعفتش
حاولت اياس ومعرفتش
انا واجهت الدنيا دي بطولي
خطفت بايدي احلامي
جبل ثابت مابتهزش
اقع لكن مابتهدش
في بالي الكل صوره واسم
شريط بيعدي قدامي