كلمات بابا يا بابا
✍️ كلمات: احمد عباس
🎼 ألحان: احمد منيب
بابا يا بابا يا ضي عينينا
مين بتحب الاكتر فينا
اسمعوا يا حبايب قلبي
يا زهور الحب الوردي
لما الايام بتعدي
برسم فيكم احلامي
ده انت يا حبيبي الورده
وانتي يا روحي الياسمينا
بابا يا بابا يا ضي عينينا
مين بتحب الاكتر فينا
لما تهلوا عليا وتيجوا
قلبي بيبقى الفرح طريقه
تمسحوا تعبي وتمسحوا حزني
انت يا حبيبي دوايا
وانتي النسمه في لياليا
بابا يا بابا يا ضي عينينا
مين بتحب الاكتر فينا
ماتقولوش مين اللي اكتر
ماتقولوش يا حلمي الاخضر
انتوا اولادي وحبايبي
اللى ساكنين جوا قلبي
يالا بينا نغني غنوه
ويا تسقيفه ايدينا
بابا يا بابا يا ضي عينينا
مين بتحب الاكتر فينا
احنا واحد واحنا كل
احنا شمس واحنا ضل
بابا يا بابا يا ضي عنينا
قولوا يارب يخليه لينا