كلمات كلمات اغنية شف الرفاقه

شف الرفاقه

رجل السلام

يا بوظبي سال الحبر ما جف

والفكرة العذراء عروس تزف
صوب الذي له يات مخطوبه

ما يات من مكتب و لا من رف
من شاعراً يعرف من اسلوبه

فالنادر اللي لا وقف بالصف
هيّب دول من بشته و ثوبه

بو خالد اللي للعلا ما خف
مقدام والوقفات محسوبه

رجل السلام اللي جناحه ضف
حكام قبل شعوب منكوبه

يا كم صفح من شيمه و كم عف
من طيب نفس و جود وعروبه

عن واجبه يوم ان غيره لف
ياتيك ويوفي بماجوبه

تقول له سحابةِ بالكفّ
بالسعد والخيرات مصحوبه

وسحابته ما هي بتمطر نف
تمطر بغيثاً يحيي شعوبه

و ظله مغطي شعبه و لا كف
لكل من يتعبه لاهوبه

من هيبته تلقى علمه ان رف
تصبح عيون عداه مرعوبه

و حنا وياكم يالرفاقه شف
بالدم وثقنا له طنوبه