كلمات ياسيدي

يا سيدي مالي على الحب سلطان
إنت الذي تامره بأمرك و تنهاه

كل له اصحاب و ربع و خلان
ناس تبي بعده و ناس تمناه

إلا أنت كل الخلق في حبك انسان
قلبه معك دايم صباحه و ممساه

يا اللي وسع صدرك لنا دار و اوطان
و يا اللي الصخى و الجود فعلك تعداه

ما اقولها مدح ترى اللطف له شان
و العطف مثل الجود تحمد سجاياه

أنت البخيل بمنتك وقت الاحسان
و انت اللذي لطفه يباري عطاياه

ما كل من فارق غدى مثل سلطان
كل يبي شوفه و كل ترجاه

لو المرض جيش نطحناه بسنان
و لو الكدر بحر شربناه لرضاه

أنا أحمد اللي مبدل الجهل بايمان
اللي حمى عمي و صانه و شافاه